жауынгерлік дайындық жоспары

(План боевой подготовки)

ҚР ҚК, әскер (күштер) салалары мен арнайы әскерлердің ұрыстық дайындық бағдарламасы, сонымен қатар оқу шараларын материалдық-техникалық қамтамасыз ету негізінде бөлімшелерді, бөлімдер мен құрамаларды ұрысқа жаттықтыру, жеке құрамды оқыту мен тәрбиелеу жөніндегі шаралар жүйесінің қызметтік құжаты. Белгіленген тәртіп бойынша оқу кезеңдерінде (қысқы және жазғы) бір жылға жоғарғы бастықтардың бұйрықтары мен директивалары негізінде жасалады. Ж.д.ж. жаттығулардың, ұшырулардың, жиындардың, сабақтардың, офицерлермен, прапорщиктермен, мичмандармен, сержанттармен, старшиналармен, штабтармен, әскерлермен жаттығулардың өткізілу уақыттарын; әскер саласы мен арнайы әскерлердің, бөлімдердің және тыл мекемелерінің ұрыстық және арнайы дайындықтары жөніндегі шараларды; лагерьлік жиындар мен жаттығу орталықтарына бөлімдерді апару уақыттарын; ұрыстық дайындық бойынша жарыстарды; конференциялар мен жиналыстарды; ұрыстық дайындыққа басшылық жөніндегі шараларын белгілейді. Бригаданың (полктің), батальонның (дивизионның), авиациялық эскадрильяның, жеке ротаның Ж.д.ж. оқыту пәндері бойынша жалпы және ай сайынғы (дүйсенбілік) сағат есептері беріледі; командирлік, нұсқамалық-әдістемелік, үлгі сабақтарын өткізу күндері анықталады; сабақ тақырыптары, оларды өткізу сағаттары, атыс жаттығулары, жүргізулері (ұшудың), барлық мамандықтардың міндет-тері мен нормативтері және олардың орындалу мерзімдері атап көрсетіледі.